الناس بتوع بليل

السلام عليكم ورحمة الله وبركاته

من كام يوم كنت مخنوق كدة وزهقان
قلت اطلع اتمشي عالكورنيش شوية كان الوقت متأخر كانت حوالي
الساعة 11 ونص
كنت معدى من ادام نايت كلوب سمعت صوت مغنية الصراحة كان صوتها جميل كانت
بتغني لنجاة سكة العاشقين بس كانت بستايل جديد شوية المهم قعدت عالكورنيش شوية ادام النايت كلوب
اللي كان ادامه مجموعة من البودى جارد وشوية شباب علي بنات ومجموعة من السيارات الفارهة
اول ما البودى جارد يلمح سيارة الزبون من بعيد يهرول عليها ويفتح الباب للزبون
ويسود الهدوء ويعلا صوت الميكروفون اللي بيقول: فلان الفلاني بيمسي بعشر شمعات ( يعني 1000 جنيه)
وتحية خاصة طيبة من فلان الفلاني صاحب شركة ....
ودي بنت ليل واقفة مستنية الزبون المناسب شباب كتير وقفولها بالعربيات وفي الاخر ركبت مع صاحب النصيب

ودول اتنين شباب ماشين بيتطوحوا سكرانين الواد ماشي عامل 10 رجالة في بعض وهو مفهوش قلم واحد

ودول واحد ومراته لابسين ملابس رياضية وبيمارسوا رياضة الجرى ( ما شاء الله عليهم )

الوقت اتأخر والدنيا سقعت اخدت بعضى ومشيت
وقلت في نفسي صحيح الليل ليه ناسه
واخيرا00000000000000
بدحرج التماسي علي الناس بتوع بالليل
بدحرج التماسي علي رجال الاعمال واصحاب الشركات اللي مش حاسين بالناس الغلبانة
ومش حاسين بالشباب المرمي عالقهاوي مش لاقيين شغل
بدحرج التماسي علي الشباب التايه والضايع في دوامة مالهاش آخر
بدحرج التماسي علي كل الناس الحلوة والوحشة لأ

عسلللللللللللللللللللللللللللل
مررررررررررررررسي يا قمر

تقبل مروري

» الناس والوانها
» النار التي تحشر الناس