تضرب كف على كف وتقول سبحان الله ايه اللى بيحصل فى البلد ده
وبعد كده تفتكر وتقول
أه صحيح ماهو ده العادى
هوب تركب المواصلات من هنا وتقفل باب العربية من هنا يقولك ماتحسب ياريس براحة على الباب
تقول لمؤاخدة ياسطى معلش لسه نايم
يقولك ماشى يابا صباح الورد وتقولوا صباح الفل وتديلى الأجرة يقولك ايه يابا أنت اول مرة تركب معانا دى الأجرة بقت بجنيه
تقول سبحان الله أنا لسه راكب امبارح من هنا يقولك البنزين غلى يابيه
تقول صحيح هيه جات عليك ياسطى
وتفتكر وتقول
أه صحيح ماهو ده العادى
تيجى نازل ولسه داخل على الشغل
ويشوفك المدير هوب أنت كل يوم متأخر 5 دقايق أنت امتى تظبط مواعيدك
معلش يافندم أنت عارف المواصلات
يقولك على مكتبك يافندى
وهو تلاقيه كل يوم جاى بعديها بساعة الا ربع الا يوم ضربت معاه وجاه بدرى شويه
وأنت رايح على مكانك وتقول
أه صحيح ماهو ده العادى
تيجى مروح وراكب المواصلات وتلاقى الطريق واقف أصلى المحافظ بيصلح الطريق
وتلاقى السواق بيسب ويلعن وتقوله مش كده ياسطى
يقولك اسطى ميين أنتوا خلتوها خل
وتقل صحيح أنا مالى أنا
اه صحيح ماهو ده العادى
تيجى داخل البيت تلاقى الجيران ماسكين فى بعضيها وهوب حدفوا بعض بالجرادل والمكانس
وشتيمة وقلة أدب
وتقول مش كده يا جدعان
ولا حياة لمن تنادى
أه صحيح ماهو ده العادى
تيجى خارج بالليل وتقول أقعد مع صحابى شويه ونطلع ع البحر كده بنتمشى
تلاقى البت قاعده مع الواد والبت ترقع ضحكة
هيهأ بس بصوت مجلجل كده
تقول انا لله وانا اليه راجعون
وتفتكر وتقول
أه صحيح ماهو ده العادى
امتى بقى نعمل ثورة لانقلاب العادى ده عشان ميبقاش عادى
عايزين نفوق عايزين نصحى
عايزين صرخة
عايزين نعمل تعديل للمفاهيم ديه
ونقول لا مش عادى لا مش عادى لا مش عادى
وصحيح ايه اللى أنا بكتبه ده
معلش يا جماعة
ماهو ده العادى
roka&sad مشرفه
عدد المساهمات : 408 تاريخ التسجيل : 18/08/2009 العمر : 27
موضوع: رد: هو ده العادي الجمعة سبتمبر 11, 2009 3:59 am
انا معاك فى كل كلمة انت قولتها وميرسى اوى اوى اوى على الموضوع الجامد دة
rere Admin
عدد المساهمات : 893 تاريخ التسجيل : 28/06/2009 العمر : 28
موضوع: رد: هو ده العادي الجمعة سبتمبر 11, 2009 6:48 am
هههههههههههههههههههههههههههههههههههههههه ههههههههههههههههههههههههههههههههههههههههههههههههههههههه والله فعلا كل اللي انت بتقوله يا قمررررررررررررررررررررررررررررررررررررررررررررررررررررررر مرررررررررررررررررررررررررررررررررررررسي علي احلي موضوع
الخميس سبتمبر 10, 2009 5:46 pm
