نكت 2010

واحد حب يوصل بلده بسرعة ركب القطر وقعد يجرى فيه

اتنين زهقوا من التأليس عليهم فسافروا الهند.أول مانزلوا من الطائرة لقوا الهنود بينحنوا عشان يحيوهم فواحد منهم سأل الثاني هما بيحترمونا كدة لية؟ قال له أصلهم هنا بيعبدوا البقر.

مره حرامى سرق فرخه وراح يكله على شط النيل فشافه عسكرى وقل له مسكتك ياحرامى الفراخ ، والريش جنبك اهو … فقال له الحرامى لا ياشويش دى نزلت تستحمى وقالت لى خلى باللك من هدومى

الراديو:والاعب بيشوط بمشط رجله ياه بتيجى في المقص صبي الحلاق:إلحق يا معلم بيلعبوا في العدة

الزوجه لزوجها : ياريتنى جريدة عشان اكون فى ايدك كل يوم الزوج: ياريتك نتيجة اغيرها كل سنة

صبى كسلان جدا شغال فى ورشة كل اما المعلم يقول له هات مفك ، يقول له كمان شويه .. بكره .. مش وقته. ، وفى يوم لمبة الورشة اتحرقت ، المعلم قاله ركب اللمبه قال له دى حاجة سهلة قوى، وشاله المعلم على كتفة واستنى دقيقة دقيتين ربع ساعه مافيش حاجة ركبت ، قال له المعلم انت مركبتش اللمبه ليه؟ قال له اللمبه قلاووز وانت اللى مبتلفش يا معلم

مرة اتنين أغبيه عندهم حصانين .. فكانوا عايزين يعلموهم علشان ما يتلغبطوش بينهم
الاول قطع اذن حصانه وراح قال للتاني، فالتاني قاله الله يخرب بيتك انا بردك عملت كده
فالاول راح فقع عين حصانه ، و راح قال للتاني, فالتاني قاله الله يخرب بيتك انا بردك عملت كده
فالاول قاله انت هتصدعنى في دماغي .. خدت انت الحصان الاسود وانا الحصان البيض

واحد اسمة شلبى كان مسافر بلاد برة، فراح محطة القطر وطبعا هناك النظام آخر تمام .. فراح داخل فى مكنة التذاكر يحط ا الفلوس وتنزل له التذكرة ، فراح حط الفلوس والتذكرة نزلت له، والمكنة راحت قايله مرحبا بالاستاذ شلبى سوف تركب قطار رقم … وسيصل الساعة الواحدة ، هو سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ، راحت المكنة قالت له الاستاذ شلبى فضل يستهبل لحد ما القطر فاتة

اتنين حراميه دخلوا بيت واحد منهم دخل البلكونه ، شوية وصاحب البيت دخل عليه فقالوه انت بتعمل ايه هنا؟
قاله انا كنت بحارب اليهود بالطياره و بدمر فيهم ، لحد لما طيارتي عطلت و انا نطيت بالبراشوت و نزلت في بلكونتك
قاله ايوه كده تعجبنى ، مش التاني اللي قاعدلي في البانيو و بيقول علي نفسه من الضفاضع البشريه!

مرة إتنين مساطيل واحد بيقول التانى هما القدماء المصرين بنوا الهرم فى اد اية
قاله 50 سنة
قاله ياه لية ؟
قاله اصل كل ما يرصوا حجرين الحكومة تكبس عليهم

كمبيوتر قال لكمبيوتر انتى طالق .. قالت يالهوى والسى دى اللى فى بطنى

صرصار في العنايه المركزه بيسال صرصار جمبه بيقولو بيرسول ..؟ قالو لا فردة شبشب

واحد غبى حط إيده في جردل فيه مية نار فحس ان صباع من اصابعه ناقصة .. فحط رأسه في الجردل عشان يدور عليه

مساطيل قاعدين بيصيدوا جراد، عدّت من فوقيهم هليكوبتر .. واحد منهم قال جت أمهم .. استخبوا استخبوا

ههههههههههههههههههههههههههههههههههههه
ههههههههههههههههههههههههههههههههههه
هههههههههههههههههههههههههههههههه
جامدين موووت وخصوا بتاعه الضفادع البشريه

ههههههههههههههههههههههههههههههه
تسلمي ي شوشو

بس بقا عشان انا بكسف عارفة عارفة انهم جامديين

اتكسفي يابيضه اتكسفي وربنا ما كنت اعرف انك بتتكسفي ؟
اما نشوف اخر الكسوف ده ايه ؟

لا حلوين بجد تسلم ايدك

اى خدعة يا جماعة عدو الجمايل

1؟2؟3؟4؟5؟6؟7؟8؟9
اي خدمه بعد اهه اي خدمه عديلي انا بقي ؟

ههههه طويب 10؟11؟12؟13؟14؟15 كفاية كدة

انتي صدقتي وبتعدي ورايا ماشي بس بقي
المهم دلوقتي زيك عامله ايه ؟

بعرف اعد صح اعد تانى ولا بلاش

خلاص انتي بتعدي اصلا ومش فيه جمايل بتعمليها

اية الاحراج دة دة انا كلى جمايل

فين ياختي جمايلك الي مغرقاني دي وربنا مفيش خالص افتكري كده انا طلبت منك ايه ومش جبتي كيس الشيبسي ابو جنيه ونص ؟ولا انا غلطان ده انا هسيحلك ع المنتدي؟

بس برده مش شايف منك جمايل ولا حاجه ؟

ماشي اما نشوف جمايلك دي ؟