كلمة بجبك دى مش سهلة

في الأيام دي اصبحت كلمة (بحبك) تقال بلا حساب وكأنك بتقول انا بحب المانجة
تقال الكلمة دي دون أدنى مراعاة لشعور الطرف الأخر المسكين الذي قد يصدقك ويعيش في الوهم
من هنا كنت عايز اقول انك قبل ما حتى تفكر تقول الكلمة دي لازم تقولها وانت عارف انت بتعمل ايه

بالنسبة للشاب:

معنى انك قلت الكلمة دي يعني انت على استعداد انك ترتبط بالإنسانة دي طول العمر وتغير مجرى حياتك لأنك اصبحت مش ملك نفسك لوحدك ولازم تفكر بكل الطرق ازاي تبني مستقبلكم ...لما تقول كلمة بحبك لبنت لازم تكون كلمة من قلبك مش للتسلية لأن كسر القلوب غالي ولو انت عملت كدة أكيد الحركة دي هتترد فيك او في أولادك
لازم تكون على استعداد للتضحية...مش كل حاجة انت بس اللي تاخدها
لما تقولها تكون عارف ومتأكد ان ده حب حقيقي منك مش بتقولها كدة لعب عيال
فكر ألف مرة قبل ما تقولها...واعلم ان مسئولياتك زادت
لو انت حاسس أن في سبب قهري ممكن يمنعك عن الأرتباط حتى لو انت بتحب يبقى بلاش تقولها انا بحبك بدل ما تتعلق هي في الوهم

بالنسبة للبنت....

فكري مليون مرة قبل ما تقوليها لأن بعض الشباب هوايتهم صيد البنات الساذجة الطيبة واللي أول ما يسمعوا الكلمة دي منك يجري لأصحابه ويقول ضحكت عليها يللا نشوف واحدة غيرها
فكري كتير واتعظي من خبرات اللي سبقوكي وانكسر قلبهم
لما تقولي الكلمة دي اعرفي ان الشاب اللي أدامك ده هو اللي هيكون راجل البيت وكلمته لابد ان تتطاع كما قالت امي
تأكدي من شخصيته..واسألي نفسك هل اقدر اعيش معاه فعلا
مفيش شاب كامل طبعا بس برضو أختبريه بدون جرح مشاعره
أوعي تفكري تغيظيه وتقولي انا هكلم شاب غيره لأن ده بيعتبره طعن في شرفه وفي غيرته

طب لو فيه انسان بيحب واحده وعايز يرتبط بيها لكن هيه مش راضيه تكلمه ومنفضاله ع الاخر يعمل ايه بقي يموت نفسه ولا يعملها ايه ودايما جايبه الغلط عليه يعمل ايه بقي ؟

مش يمكن هو بيعمل الغلط دة فعلا وهو مش حاسس بنفسة؟

بيعمل غلط ازاي ومش حاسس بنفسه ازاي ؟والله ما بيعمل غلط شكلها هيه الي بتتلككله

لو هى بتحبة يبقى اكيد مش بتتلككلة بس اكيد هما الاتنين بيغلطوا مش هى او هو بس

اه من ناحيت بتغلط هيه اصلا مش راضيه تكلمه وهوة هيموت ويكلمها لكن هيه بقي الي مش فيه احساس انه عايز يكلمها ولا هيه بتتقل بقي ولا مش عارف في ايه باالظبط ؟

وبعدين انت شاغل نفسك بالاتنين دول لية اشغل نفسك لنفسك احسن

طب ما انا بتكلم عن نفسي ؟ ونفسي حد يقولي اعمل ايه ؟